Манас шаарында унаа токтотуучу жайы жок коммерциялык объектилер жабылат. Бул тууралуу муниципалитеттин басма сөз кызматынан билдиришти.
«Шаардын негизги көчөлөрүндөгү унаа токтотуучу жайы жок бардык коммерциялык объектилер; кафе, ресторан, дүкөн, дарыкана, ашкана, чачтарач, супермаркет, тез татым жайлары жана башка калкка кызмат көрсөткөн жайлардын ишмердүүлүгү токтотулат», -делет маалыматта.
Бул боюнча мэрдин орун басары Уларбек Исмаилов күн мурун ишкерлер менен жыйын өткөрүп, аларга унаа токтотуучу жайларды уюштуруу талабын койду.
Белгилей кетсек, жогорудагы иш-аракеттер мэр Эрнисбек Ормоковдун буйругуна ылайык шаардагы унаа тыгындарынын алдын алуу жана жоюу максатында жасалып жатканы айтылды.
