Ысык-Көл облусунун Түп районуна караштуу Түп айылында 275 орундуу бала бакчанын курулушу толугу менен бүттү. Бул тууралуу Курулуш министрлиги билдирет.
Маалым болгондой, курулуш иштери республикалык бюджеттен каржыланып, 210 миллион сомго салынды.
«Башкы план боюнча жалпы аянты 2927 чарчы метрди түзгөн, заманбап үлгүдө эки кабаттуу имарат курулуп, бардык шарттар каралды», — делет маалыматта.
Белгилей кетсек, долбоорду ишке ашыруу Курулуш министрлигинин алдындагы Турак жай-жарандык курулуш департаменти тарабынан аткарылды.
