Куралдуу күчтөрдүн, аскердик түзүлүштөрдүн жана башка аскер кызматын өтөгөн мамлекеттик органдардын өкүлдөрүнүн катышуусунда Координациялык кеңештин жыйыны өттү.
Башкы прокуратурадан билдиришкендей, жыйынга Куралдуу Күчтөрдүн, аскердик түзүлүштөрдүн жана аскердик кызмат өтөгөн башка органдардын 2025-жылдын өткөн мезгилиндеги коррупцияга каршы күрөшүү боюнча ишинин жыйынтыктары каралып, аныкталган мыйзам бузуулар талкууланды.
Ошондой эле аскер кызматкерлеринин арасында укук бузуулардын, суициддердин алдын алуу маселелерин күчөтүү зарылдыгы белгиленди. Ошондой эле 2025-жылдын 30-ноябрына белгиленген Жогорку Кеңешинин депутаттарын мөөнөтүнөн мурда шайлоого даярдык көрүү жана өткөрүү учурунда мыйзамдуулукту камсыз кылуу чаралары талкууланды.
