Тоң районундагы Ысык-Көлдүн куймаларына балык кармоочу тосмо (верша), шандорлор орнотулду. Бул тууралуу Айыл чарба министрлиги билдирет.
Маалыматка ылайык, ал балыктар кире алган, бирок кайра чыга албай турган өзгөчө кармоочу шайман болуп, балык уругун табигый жана жасалма көбөйтүү максатында колдонулат.
Учурда балык кармоочу тосмо (верша) курулуп бүтүп, анын негизинде Ысык-Көл форели балыгынын уругун алуу жана жасалма жол менен көбөйтүү иштери жүргүзүлүүдө. Бул иштер экологиялык жана биологиялык талаптарга ылайык, туруктуу балык запасын камсыз кылуу максатында ишке ашырылууда.
