Бүгүн, 13-ноябрда Министрлер кабинетинин төрагасы Адылбек Касымалиев Казакстанга жумуш сапары менен барды. Бул тууралуу өкмөттөн билдиришти.
«Өкмөт башчынын учагы “Нурсултан Назарбаев” эл аралык аэропортуна конуп, Казакстандын премьер-министри Олжас Бектенов жана башка расмий адамдар тосуп алышты.
Аэропорттун флагштокторуна эки өлкөнүн мамлекеттик туулары илинип, ардактуу кароол тизилди», — делет маалыматта.
Эске салсак, Адылбек Касымалиев жумуш сапарынын алкагында кыргыз-казак өкмөттөр аралык кеңешинин тар жана кеңейтилген курамдагы 13-жыйынына катышат.
