Президент Садыр Жапаров Өзбекстанга иш сапары менен барат. Бул тууралуу президенттик администрациянын тышкы саясат бөлүмүнүн башчысы Сагынбек Абдумуталип билдирет.
Малыматка ылайык, Садыр Жапаров Шавкат Мирзиёевдин чакыруусу боюнча 15-16-ноябрда Ташкент шаарына Борбордук Азия мамлекеттеринин башчыларынын жетинчи консультативдик жолугушуусуна катышуу үчүн иш сапары менен барат.
“Борбордук Азия мамлекеттеринин башчыларынын жетинчи консультативдик жолугушуусу аймактык өз ара аракеттенүү келечегинин актуалдуу маселелерин талкуулоого багытталган. Сапардын алкагында Садыр Жапаровдун Шавкат Мирзиёев менен эки тараптуу жолугушуусу пландаштырылган”, — деп белгилейт Сагынбек Абдумуталип.
