Өлкөдөгү билим берүү уюмдарында электр энергиясын үнөмдөө чаралары күчүнө кирди.
Бул тууралуу Агартуу министрлигинин басма сөз кызматы билдирди.
Эми окуу процесси аяктагандан кийин жана бардык сабактар бүткөн соң 60 мүнөттөн кечиктирбестен, имараттардагы электр жарыгы өчүрүлүшү керек. Тазалоо иштери бүткөндөн кийин гана энергия толук өчүрүлөт.
Мында имараттын коопсуз иштешин камсыз кылуучу инженердик системалар (жылуулук, суу, күзөт жана башка кызматтар) бул чектөөгө кирбейт. Ошондой эле бул талап жатаканаларга жана окуучулардын жашоо-тиричилигин камсыз кылган объектилерге колдонулбайт.
Чаралар өлкөдөгү электр энергиясынын тартыштыгын азайтуу жана энергия ресурстарын үнөмдүү пайдалануу максатын көздөйт.
