Бишкектин бир дагы объектиси энергияны үнөмдөө үчүн жабылган жок. Бул тууралуу вице-мэр Рамиз Алиев шаардык кеңештин кезексиз сессиясында билдирди.

Бишкек шаардык кеңешинин депутаты Рысбай Аматов шаардык мэриянын кызматкерлери маалымат бериши үчүн, электр энергиясына чектөө киргизүү маселесин “Ар кандай” бөлүмгө киргизүүнү сунуштады.

«Ош шаарынын мэри түшүндүрүү иштерин жүргүзүп, маалымат берген, бирок Бишкектин мэри анткен жок, белгилүү бир вакуум гана түзүп койду», — деди ал.

Рамиз Алиев белгилегендей, буга чейин борбор калаада электр энергиясынын белгиленген лимитине жана «Тынчтык жөнүндө» мыйзамын сактоого байланыштуу рейддер өткөрүлгөн.

«Бир дагы объект жабылган жок. Биз болгону лимиттерди сактап, тынчтыкты сактоо керектиги боюнча сунуштарды бердик. Кээ бир бизнес өкүлдөрү генераторлор бар экенин айтышты, бирок алар бир аз ызы-чуу болуп жатат, ошондуктан аларга тосмолор менен камсыз кылуу сунушталды», — деп жооп берди ал.

Эскерте кетсек, “Тынчтык жөнүндө” мыйзамга ылайык, төмөнкү убакыт аралыгында ызы-чуунун деңгээлинен ашууга болбойт:

— иш күндөрү, саат 22:00дөн 7:00гө чейин;
— дем алыш жана майрам күндөрү, саат 22:00дөн 9:00гө чейин.

Буга чейин президент Садыр Жапаров Бишкек жана Ош шаарларынын мэрлерине ачык кайрылуу жасап, электр энергиясын үнөмдөө жана тартипти сактоо боюнча түнкү рейддер өтө катуу жүргүзүлүп жатканын сынга алган.