Өзбекстан Кыргыз Республикасынан мал ташууга кызыктар. Бул тууралуу аталган өлкөнүн Кыргызстандагы элчиси Хуршид Мирзахидов Айыл чарба министри Аскарбек Жаныбеков менен жолугушууда билдирди.
Учурда КРнын аймагынан мал-жандыктарды экспорттоого убактылуу тыюу салынгандыгына байланыштуу, коңшу мамлекет киргизилген чектөөнүн мөөнөтүн кыскартууну суранган.
Сүйлөшүүлөрдөн кийин тараптар жеткирүү шарттарын түзүү үчүн импорттоочулардын жана экспорттоочулардын тизмесин алмашууну макулдашты.
Жолугушуунун жүрүшүндө Өзбекстандын техникалык жардамы менен Кыргызстандын аймактарында күнөскана жана бакча куруу маселеси көтөрүлгөндүгү да маалым болду.
