Бишкекте 71 жаштагы апага өздөрүн УКМК кызматкери катары тааныштырып, өзгөчө ири сумамадагы каражатка алдап кеткен шылуундар кармалды. Бул тууралуу Бишкек ШИИБинен билдиришти.
Маалыматка ылайык, 2025-жылдын 16-октябрынан 12-ноябрына чейин 71 жаштагы Р.Л. аттуу апага өздөрүн УКМК кызматкери катары тааныштырган шылуундар жабырлануучунун ишенимине кирип, батирин саттырып, түшкөн акчаны, ар кандай банктык эсептерге — жалпысынан 18 банкка котортуп алышкан.
Бул фактынын негизинде Бишкек шаарынын Биринчи Май РИИБнин тергөө кызматы тарабынан КР Кылмыш-жаза кодексинин 209-беренесинин 1-пунктуна ылайык (Электрондук төлөм каражаттарын, виртуалдык актив капчыгын жана SIM-карталарды үчүнчү жактарга атайылап берүү же сатуу) кылмыш иши козголду.
Иш-чаранын негизинде шылуундар кармалып, убактылуу кармоочу жайга киргизилген.
