Кытайдын тышкы иштер министри Ван И 19-20-ноябрь күндөрү расмий иш сапары менен Кыргызстанга келет. Бул тууралуу Тышкы иштер министрлиги билдирет.
Маалыматка ылайык, иш сапардын жүрүшүндө өлкө жетекчилиги менен жолугушуулар, КР ТИМ башчысы менен сүйлөшүүлөр, ошондой эле эки өлкөнүн тышкы иштер министрлеринин деңгээлиндеги Стратегиялык диалогдун I жыйынынын өткөрүлүшү жана эки тараптуу кызматташуунун актуалдуу маселелерин талкуулоо пландаштырылууда.
Сапардын жыйынтыгында эки өлкөнүн ортосундагы кызматташтыкты тереңдетүүгө багытталган бир катар эки тараптуу документтерге кол коюу пландалууда.
