25–27-ноябрь күндөрү Кыргызстанда Жамаатык коопсуздук келишим уюмунун (ЖККУ) кезектеги жыйыны өтөрү күтүлүүдө.
Ага байланыштуу бүгүн ИИМдин Жол кыймылынын коопсуздугун камсыздоо башкы башкармалыгынын жетекчилиги кызматкерлердин саптык кароосун жана карамагындагы техникалык каражаттарга техникалык текшерүү өткөрдү.
Анда мамлекет үчүн маанилүү бул иш-чара учурунда кызмат өтөөдө ички тартипти бекем сактоо, ИИМдин тиешелүү буйруктарын так аткаруу жана нускамаларды так жеткирүү боюнча талаптар белгиленди.
Ошондой эле жол коопсуздугун камсыздоодо кызматкерлердин жарандар менен сылык жана маданияттуу мамиле кылуусу, кызматтык милдеттерин так жана жоопкерчиликтүү аткаруусу өзгөчө баса белгиленди.
Посмотреть эту публикацию в Instagram
