Курч респиратордук вирустук инфекциялардын жана сасык тумоонун көбөйүшүнө байланыштуу борбордогу Медициналык тез жардам борборуна кайрылгандардын саны үч эсеге көбөйдү. Бул тууралуу борбордун жетекчиси Искендер Шаяхметов жергиликтүү маалыматтык агенттиктердин бирине билдирген.
Анын айтымында, суткалык чалуулар буга чейин күнүнө 1100-1200 болсо, бир күн мурун 3 миң 238 чалуу, кечээ 2 миң 699 чалуу болду. Анын ичинее 951 чукул чалуу болгон.
Тилекке каршы, 303 кечигүүлөр болгон, алар 4 сааттан 6 саатка чейин кечигишкен.
“План боюнча 43 бригада иштеши керек болчу, бирок чындыгында 40ы гана кезекке турду. Тилекке каршы, биздин дарыгерлер да ооруп жаткандыктан, эки бригаданын штаты жетишсиз болуп калды. Ошого карабастан, бардык чалууларды кабыл алганга аракет кылып жатабыз», — деди Искендер Шаяхметов.
Ал белгилегендей, учурда сасык тумоо катуу жүрүп, дене табы көтөрүлүп, аны менен күрөшүү кыйын бойдон калууда.
