“Биз Кыргызстанды күйүүчү май менен толук камсыздайбыз, — деди Россиянын президенти Владимир Путин «Ынтымак Ордодо» президент Садыр Жапаров менен өткөн кеңири форматтагы сүйлөшүүлөрдүн жыйынтыгында.
«Муну да жеңилдетилген шартта экспорттук бажы алымын кармабастан аткарабыз. Бул Кыргызстан үчүн түз экономикалык эффект берет.
Ошондой эле «Газпром» Кыргызстанга табигый газ жеткирип, аймактарды газдаштыруу программасына катышууда. Бул максатта орус концерндерине 400 млн доллардан ашык бөлүп, өлкөдө газ менен камсыздоо деңгээлин 42 пайызга жеткирүүгө мүмкүн болду. Бул иш мындан ары да улантылат», — деди Путин.
