Ош шаарындагы Тешик-Таш базарынын айланасындагы үйлөрдү бузуу иштери президенттин тапшырмасына ылайык токтотулду. Бул тууралуу мэриядан кабарлады.
Мэрдин биринчи орун басары Адилет Шаршеналы жеринде жашоочулар менен жолугушуп, түшүндүрүү иштерин жүргүздү. Ал эми турак жайдын бузулган чатыры мэрия тарабынан калыбына келтирилүүдө.
Белгилей кетсек, буздуруу иштери үйлөр жайгашкан жерге ээлик кылган Н. Шырдаков аттуу жаран тарабынан жүргүзүлгөн. Бул жер 1999-жылы Ош шаарынын мамлекеттик администрациясынын токтому менен Н. Шырдаковго жеке менчикке берилип кеткен.
Быйыл Жерди жана сууну көзөмөлдөө боюнча кызматынын Ош аймактар аралык башкармалыгы мэриянын ошол жылдагы токтомун жокко чыгаруу боюнча сотко кайрылып, сот оң чечим чыгарган. Бирок, Шырдаков бул чечимге макул болбогондуктан, бүгүнкү күндө иш экинчи инстанцияда каралууда.
Посмотреть эту публикацию в Instagram
