27-ноябрда ААК «Таратуучу электр тармактарынын» бардык филиалдарына электр энергиясын берүү тартиби жана айрым керектөөчүлөрдү өчүрүү боюнча кошумча көрсөтмөлөр жөнөтүлгөн.
Буйрук жазылган катта көрсөтмөлөр токтоосуз түрдө аткарылууга тийиш экени айтылат;
1. 1-топтогу бардык керектөөчүлөр (кубаттуулугу 5 кВтка чейин, Душанбе шаарынан тышкары) чектөө мезгилинде электр тармагынан ажыратылышы керек. (I топко өнөр жай, өнөр жай эмес, айыл чарба жана ага теңдеш керектөөчүлөр кирет);
2. Акылдуу эсептегичтер белгиленген тартипте жана ырааттуулукта биллинг системасынан ажыратылышы керек;
3. Бюджеттик уюмдарга маалымдалып, алардын электр камсыздоосу саат 18:00дөн кийинки иш күнүнүн башталышына чейин өчүрүлүшү керек;
4. Мамлекеттик ишканаларга маалымдалып, алардын электр камсыздоосу да саат 18:00дөн кийинки иш күнүнүн башталышына чейин өчүрүлүшү керек;
5.Стратегиялык мааниге ээ эмес көчө чырактары өчүрүлүшү керек;
6.Электромобилдер үчүн бардык кубаттоочу станциялар саат 18:00дөн 22:00гө чейин тармактан ажыратылышы керек;
Эске салсак, Тажикстанда электр энергиясын берүү чектөөлөрү боюнча расмий билдирүү жасала элек.
Ошол эле учурда, Тажикстандын айыл-аймактарында калк эртең менен 2 саат жана кечинде 2 саат гана электр энергиясын алууда. Душанбе шаарынын тургундары да күндүз электр жарыгынын үзгүлтүккө учурап жатканын билдиришет.
