Жогорку Кеңешинин депутаттарын мөөнөтүнөн мурда шайлоого саат 10:00гө карата 167 миң 072 шайлоочу добуш берди, бул тизмеге кирген жалпы шайлоочулардын 3,8 %ын түзөт. Бул тууралуу Кыргыз Республикасынын Борбордук шайлоо комиссиясынын төрагасы Тынчтык Шайназаров брифингде билдирди.
Бүгүн, мөөнөтүнөн мурда өтүп жаткан парламенттик шайлоодо республика боюнча жалпы 2 492 шайлоо участогу, ошондой эле 27 аралыктан добуш берүү участкасы жана чет өлкөдөгү 100 шайлоо участогу иштеп жатат.
Шайлоочулардын акыркы тизмесине 4 миллион 294 миң 243 жаран киргизилген.
