Аламүдүн районундагы «Золотой колосок» бала бакчасынын имараты жана анын 1 га жер тилкеси мамлекетке кайтарылды. Бул тууралуу Башкы прокуратурасы билдирди.
Прокурордук чара көрүү актысынын алкагында наркы 111 млн 93 миң сомго бааланган бала бакчанын имараты жана 1 га жери муниципалдык баланска коюлбай, жеке тараптар тарабынан мыйзамсыз пайдаланылып келгендиги аныкталган.
Прокуратура тарабынан жүргүзүлгөн текшерүүнүн жыйынтыгында бала бакчанын имараты жана жер тилкеси мыйзамдын талаптарына ылайык, мамлекеттин менчигине кайтарылды.
