Бүгүн жеке ишкер Нургалы Асаналиев тарабынан 7 манасчыга ак өргөлөр расмий түрдө тапшырылды. Бул тууралуу Маданият, маалымат жана жаштар саясаты министрлигинен билдиришти.
Мындай демилге улуу мурас болгон «Манас» эпосун даңазалоого жана аны жаш муундарга кеңири жайылтууга багытталган.
Манасчылар Нургалы Асаналиевге бата беришип, өздөрүнүн чыгармачылык дараметин дагы көтөрүүгө даяр экенин билдиришти.
Ишкер маданий мурастарды колдоону мындан ары да уланта беришин айтып, манасчыларга чыгармачылык ийгилик каалады.
