Бүгүн, 8-декабрдан тарта «Тушоо кесүү» күмүш коллекциялык тыйыны жүгүртүүгө чыкты. Бул тууралуу Улуттук банк маалымдайт.
«Тушоо кесүү» – бүгүнкү күндө да эл арасында кеңири колдонулуп келе жаткан, кыргыздын байыркы ырым-жырымдарынын бири. Бул ырым, бала өз алдынча басууга алгачкы кадамын таштаганда жасалат. Илгертен бери эле ата-эне бул жөрөлгөнү сөзсүз түрдө там-тум баскан бала бутуна бекем турушу жана анын кийинки өмүр жолу бактылуу жана ийгиликтүү болушу үчүн жасашы керек деп эсептешкен», — делет маалыматта.
Коллекциялык монета Улуттук банктын мекемелеринин кассаларында 6 940,00 сом баасында иш күндөрү саат 9.00дөн 14.00гө чейин сатылууда.
Тыйындын аталышы — «Тушоо кесүү», номиналы — 10 сом, металлы — Ag 925, диаметри — 38,61, салмагы (г) — 28,28, сапаты — Proof, нускасы (даана) — 1000.
