Салык кызматы 2025-жылдын 31-декабрындагы Мыйзамга ылайык тигүү жана текстиль өнөр жайынын субъекттери үчүн киреше салыгынын ставкалары жана камсыздандыруу төгүмдөрүнүн тарифтери төмөндөтүлгөнүн маалымдайт.
Мыйзамга ылайык, 2026-жылдын 1-январынан тартып бул тармактагы ишкерлер ар бир кызматкер үчүн камсыздандыруу төгүмдөрүн орточо айлык эмгек акынынын 40 пайызынын 12 пайызы өлчөмүндө төлөшөт. Бул сумма 2 115,5 сомду түзөт. Ошондой эле киреше салыгы орточо айлык эмгек акынын 1 пайызы өлчөмүндө болуп, 440,7 сомду түзөт. Бир кызматкер үчүн жалпы төлөмдөрдүн суммасы 2 556,2 сомду түзөт.
Белгилей кетсек, 2026-жылы орточо айлык эмгек акы 44 070 сомду түзөт. Бул өзгөртүүлөр ата мекендик өндүрүүчүлөрдү колдоого, салыктык жүктү азайтууга, салыктык башкарууну жакшыртууга, ошондой эле өндүрүштү өнүктүрүү, продукциянын ички жана тышкы рыноктордогу атаандаштыкка жөндөмдүүлүгүн жогорулатуу, жумуш менен камсыздоону стимулдаштыруу жана тармактын экспорттук потенциалын өстүрүү үчүн жагымдуу шарттарды түзүүгө багытталган.
