Ош шаарынын мэри Жеңишбек Токторбаев тиешелүү кызматтардын өкүлдөрү менен биргеликте «Жетиген» мектебинде болуп, мекемеде түзүлгөн шарттар менен таанышты. Бул тууралуу Ош мэриясы билдирди.
Муниципалитеттен билдиришкендей, рейддин жүрүшүндө шаар мэри мектептин ашканасында окуучулар үчүн даярдалган тамак-аштын сапатсыз даярдалгандыгына байланыштуу нааразычылыгын билдирип, жооптуу тараптарга тиешелүү чараларды көрүү керектигин айтты.
Мындан тышкары, шаар мэри аталган билим берүү мекемесинин аймагындагы коммерциялык объекттин курулушунун мыйзамдуулугун текшерүү боюнча тиешелүү кызматтарга тапшырма берди.
Белгилей кетсек, буга чейин Ош шаарынын мэри билим берүү мекемелеринин аймагындагы жерлерди коргоо, ошондой эле мыйзамсыз курулуштарга жол бербөө боюнча иштер күчөтүлөрүн билдирген.
Посмотреть эту публикацию в Instagram
