Саламаттыкты сактоо министри менен дарыгер-нарколог Жеңишбек Назаралиев баңгизатка көз каранды адамдарды реабилитациялоонун мамлекеттик системасын өнүктүрүү боюнча чараларды талкуулашты. Бул тууралуу Саламаттык сактоо министрлигинен билдиришти
Досмамбетов мыйзамсыз иш алып барган реабилитациялык борборлордун ишине жол берилбестигин айтып, жардам көрсөтүүнүн ачык жана көзөмөлдөнгөн мамлекеттик системасын түзүүнүн маанилүүлүгүн баса белгиледи. Ушул тобокелдиктерди эске алуу менен кийинки беш жылга арналган мамлекеттик баңгизатка каршы программанын иш-чаралар планы иштелип чыгып жатканы кошумчаланды.
Жеңишбек Назаралиев реабилитациялык борбордун ишмердүүлүгүн методикалык жактан коштоп берүүгө, ошондой эле реабилиация жана калыбына келтирүүчү дарылоо жаатында практикалык тажрыйбасы бар адистерди тартууга көмөк көрсөтүүгө даяр экенин ырастады.
