Кыргызстанда биринчи жолу коронавирустун «британиялык» штаммы катталды. Бул тууралуу саламаттык сактоо жана социалдык өнүктүрүү министрлигинин басма сөз кызматы кабарлайт.
Маалыматка ылайык, Москвадагы лабораториядан келген анализдердин жыйынтыгы Кыргызстанда штаммдын бар экендигин тастыктаган. Былтыр декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Ал тездик менен тарап жатканы, буга чейинки вируска караганда жугуштуулугу 70 пайызга бат экени маалым болгон.
Мындан улам, министрлик жарандарды коопсуздук чараларын күчөтүүнү сунуштайт.
Башкача айтканда,
- маска тагуу,
- социалдык аралыкты сактоо,
- антисептик колдонуу,
- өз алдынча даарылануудан качуу
- оорунун симптомдору байкалаары менен дарыгерге кайрылууга чакырат. (118)
