Бүгүн, Ош шаарынын мэри Жеңишбек Токторбаев тиешелүү мекеме-ишканалардын жетекчилери менен биргеликте Сулайман-Тоо муниципалдык аймактык башкармалыгына караштуу Алымбек датка көчөсүнүн Мамажан көчөсүнөн тарта кезектеги таңкы рейд жүргүздү.
Таңкы рейддин жүрүшүндө мэр Алымбек датка көчөсүн кеңейтүү максатында жолго тоскоол болуп жаткан мыйзамсыз объектилерди жана жол жээгиндеги курулуштарды алып салуу боюнча бир катар тапшырмаларды берди.
Шаар мэри аталган көчөнү кеңейтүү иштерине байланыштуу айрым турак жай ээлери Эне-Сай конушуна көчүрүлөрүн маалымдады.
Учурда ишке ашырылып жаткан долбоорлор шаар инфраструктурасын жакшыртууга багытталган.
