Денис Петрашов АКШнын Иллинойс штатынын Вестмонт шаарында сууда сүзүү боюнча эл аралык деңгээлдеги TYR Pro Swim Series 2026 мелдешинде алтын медаль жеңди. Бул тууралуу Дене тарбия жана спорт агенттигинен билдирди
Кыргызстандык спортчу Денис Петрашов 100 метр аралыкка брасс ыкмасы менен сүзүүдө жогорку жыйынтык көрсөттү.
Финалдык жарышта ал 59.70 секунда убакыт менен биринчи орунду ээлеп, алтын медаль тагынды.
Экинчи орунду америкалык спортчу Жош Матени (59.78) камсыз кылса, үчүнчү орунду дагы бир америкалык спортчу Жек Келли (59.90) ээледи.
Белгилей кетсек, TYR Pro Swim Series дүйнөнүн профессионал сүзүүчүлөрү катышкан эл аралык мелдештердин бири болуп саналат.
