Курулуш иштерин мыйзамсыз жүргүзгөн компанияга айып салынды. Бул тууралуу аталган министрликтин басма сөз кызматы маалымдайт.
Маалыматка ылайык, Бишкектеги Варкутинск көчөсү 35, 37 жана 39 даректеринде курулуп жаткан 9 кабаттуу турак жайдын курулуш реестрине катталбагандыгы аныкталды. Аталган объектидеги курулуш-монтаждоо иштеринде курулуш талаптары сакталбагандыгы белгилүү болду.
Натыйжада, курулуш иштерин жүргүзгөн “Байхан Строй” ЖЧКсына карата башкармалык тарабынан административдик чаралар көрүлүп, 200 миң сом айып пул салынды.
«Учурда бардык мыйзам бузуулар жоюлганга чейин курулуш-монтаждоо иштерин токтотуу тууралуу көрсөтмө берилди.
Аталган объектинин курулуш реестрине катталбагандыгына байланыштуу, кыймылсыз мүлктү сатуу фактысы боюнча дагы ички иштер органдарына расмий кат жөнөтүлдү», — делет маалыматта.
Посмотреть эту публикацию в Instagram
