Министрлер кабинетинин төрагасынын орун басары Эдил Байсалов менен Социалдык фонддун төрагасы Бактияр Алиевдин кызматтан кетиши тууралуу тарап жаткан маалыматтар чындыкка дал келбейт. Бул тууралуу Президенттин администрациясынын маалыматтык саясат кызматынын башчысы Дайырбек Орунбеков билдирди.
Анын айтымында, жогорудагы аты аталган жетекчилер жумуштан бошотулган эмес жана өз ордуларында иштеп жатышат.
«Айрым маалымат каражаттарында жана платформаларда тарап жаткан бул билдирүүлөр чындыкка дал келбейт. Жогоруда аты аталган жетекчилерге байланыштуу эч кандай кадрдык чечимдер кабыл алынган эмес. Бардык жетекчилер өз ордунда ишин улантууда,» — деп жазган соцтармактагы баракчасында Орунбеков.
