Чүйдө ашыкча жүк ташууга уруксат бергендер эбегейсиз акча таап жүргөн. Облустук милиция Ысык-Атадагы тараза-габариттик көзөмөл бекетинде пара алуу схемасы аныкталганын билдирди.
Маалыматка ылайык, ири өндүрүш компанияларынын бирине кызмат көрсөткөн жүк ташуучулар таразага түшпөстөн өткөрүлүп турган. Бул үчүн айдоочулар айына 70 миң сомдон берип турушкан.
Тергөөнүн эсебинде, унаалардын жарымы гана ашыкча жүк менен өткөндө да мамлекетке келтирилген чыгым айына болжол менен 10,5 миллион сомду түзүшү мүмкүн. Акчаны тараза көзөмөл бекетинин улук инспектору жана мурдагы инспектору алган деп шектелүүдө.
Посмотреть эту публикацию в Instagram
