Кыргызстандын тышкы иштер министри Жээнбек Кулубаев Түркияга жасаган расмий сапарынын алкагында Анкара шаарындагы «Аныткабир» мемориалдык комплексине барды.
Министр Түркия Республикасынын негиздөөчүсү Мустафа Кемал Ататүрктүн күмбөзүнө гүлчамбар коюп, анын элесин бир мүнөт унчукпай эскерди.
Ошондой эле Жээнбек Кулубаев мемориалдык комплекстин Ардактуу коноктор китебине эстелик жазуу калтырып, Ататүрк жана Көз карандысыздык согушу музейинин экспозициясы менен таанышты.
Иш-чара Түркияга жасалып жаткан расмий сапардын алкагында өттү.
