Президент Садыр Жапаров Санарип кодексинин кабыл алынышына байланыштуу бир катар мыйзамдарга өзгөртүүлөрдү киргизген мыйзамга кол койду.
Жаңы мыйзамга ылайык, мобилдик байланыш операторлору Улуттук коопсуздук мамлекеттик комитети (УКМК) жана Ички иштер министрлиги (ИИМ) жүргүзгөн атайын тергөө, ыкчам-иликтөө жана контрчалгындоо иш-чараларын техникалык жактан камсыздоого милдеттүү болот.
Бул үчүн зарыл болгон санариптик тутумдар жана атайын жабдуулар операторлордун өз каражатынын эсебинен орнотулат.
Мыйзамга ылайык, өзгөчө абал режими киргизилгенде, массалык башаламандыктар же куралдуу жаңжалдар учурунда мамлекеттик органдар айрым мобилдик түзүлүштөргө байланыш кызматын убактылуу токтотуп, кийин кайра калыбына келтире алат.
Ошондой эле Кыргызстанга ташылып келген жана өлкөдө колдонулган бардык мобилдик телефондордун эл аралык идентификациялык номерлерин (IMEI) милдеттүү каттоо тартиби киргизилет
