Нарын облусунун Кочкор районунда жалпы 21 жаңы социалдык жана инфраструктуралык объекттин курулушу жүрүп жатат. Бул тууралуу президенттин Нарын облусундагы өкүлчүлүгүнөн билдиришти
Маалыматка ылайык, президенттин өкүлүнүн биринчи орун басары Эркинбек Чекирбаев курулуштардын жүрүшү менен таанышты.
«Учурда Кочкор айылында жаңы автобекет, стадион жана башка социалдык объектилер курулуп жатат. Ошондой эле райондогу сегиз объектте капиталдык оңдоо иштери жүргүзүлүүдө», — деди ал.
Иш сапарынын жүрүшүндө курулуш иштеринин сапатына жана мөөнөтүндө бүткөрүлүшүнө өзгөчө көңүл бурулуп, тиешелүү жетекчилерге тапшырмалар берилди.
