Түндө борбор калаадагы Орозбеков көчөсүндө жайгашкан курулуш материалдарын саткан «Көк-Сай» базарында чыккан өрттү алты бригада саат 9:06да өчүрдү. Бул туурасында ӨКМден билдиришти.
Министрликтен билдиргендей, өрттүн кесепетинен цехтин ичинде турган сырье, ламинат, рейка, балка, атайын эшик терезе даярдоочу станоктор жана эски колдонулган эшик, терезелер күйгөн.
Өрттү өчүрүүгө алты бригада менен катар эле Бишкек шаардык башкармалыгынан 46, милициядан 25 кызматкер чыккан. Андан сырткары, мэрияга караштуу ишканалардын суу ташуучу жети автоунаасы да пайдаланылган.
Учурда кырсык эмнеден чыкканы такталып жатат.
