Быйылкы жыл башынан бери өлкө казынасынын эсебинен салынып жаткан 28 мектеп жана 3 бала бакчанын курулушу аяктады. Бул тууралуу агартуу министрлиги билдирет.
Маалыматта айтылгандай, алар жаңы окуу жылында пайдаланууга берилет. Ошондой эле, 18 мектеп жана 4 бала бакча капиталдык оңдоп-түзөөдөн өткөн.
Быйыл мектептерди эмерек менен камсыз кылууга республикалык бюджеттен 67,2 млн сом каражат бөлүнгөн.
Билим берүү уюмдарын заманбап техника менен камсыз кылуу боюнча да иштер жүргүзүлүүдө. Анын алкагында быйылкы жылы мугалимдерге 16 185 ноутбук таратуу пландалууда. Эске салсак, 2024-жылы мугалимдер үчүн 27 031 ноутбук, 2025-жылы 20 286 ноутбук таратылган.
