ШКУ саммитине жана Дүйнөлүк көчмөндөр оюндарына байланыштуу “Манас” эл аралык аэропортунда убактылуу чектөөлөр киргизилет.
31-августта чектөө саат 09:00дөн 20:00гө чейин, ал эми 1-сентябрда 10:00дөн 22:00гө чейин күчүндө болот. Бул убакта айрым жүргүнчүлөр каттамдарынын учуп-келүүсү чектелет.
Авиакомпанияларга каттамдардын убактысын өзгөртүү же зарыл учурда убактылуу токтотуу сунушталган.
Аэропорт түнкү убакта жана чектөө жок мезгилдерде кадимки режимде ишин улантат. Жүргүнчүлөргө каттамынын убактысын алдын ала авиакомпаниядан тактоо сунушталат.
