АКШда китеп окууну жайылтууга багытталган кичинекей китепканалар кеңири тараган. Бул тууралуу АКШда жашаган мекендешибиз Акылай Акыналиева социалдык тармактагы баракчасына видео жарыялады.
Мындай китепканаларга адамдар окуп бүткөн китептерин калтырышат. Каалаган адам ал жерден өзүнө жаккан китепти акысыз алып окуп, кийин кайра ордуна коюп кете алат. Бул демилге китептерди кайра колдонууга, окурмандардын санын көбөйтүүгө жана коомчулук арасында китеп окуу маданиятын жайылтууга өбөлгө түзөт.
Кыргызстанда да ушундай чакан китепканаларды уюштуруу мүмкүнчүлүгү бар. Эгер өлкөбүздө мындай китепканалар ачылса, сиз китеп алып окуйт белеңиз?
Автор: Акылай Акыналиева
Посмотреть эту публикацию в Instagram
