Өлкө башчысы Садыр Жапаров super.kg басылмасына берген маегинде айрым адамдар мындай маалыматты атайын таратып жатканын айтты.
“Аларга соттун өкүмү “өмүр бою камакта олтурушсун” деп чыккан. Өкүм күчүндө турат. Ал өкүмдү эч ким өзгөртө албайт. Алар келсе, чек арадан түздөн-түз эле түрмөгө барышат. Максим Бакиев учак менен Бишкекке жашыруун келди деген жалган сөз. Мындай сөздөрдү чет өлкөдө качып жүргөн, өздөрүн блогер же журналистпиз деп атап алгандар таратып жүрүшөт. Аларга ишене бербегиле” — деди президент.
