Президент Садыр Жапаров V Элдик Курултайды уюштуруу комитетинин курамын өзгөртүү боюнча жарлыкка кол койду.
Комитеттен чыккандар:
- Мамбеткерим Чекиров;
- Аяз Баетов;
- Канат Сагынбаев.
Комитетке жаңы киргендер:
- Айылчиев Алмаз Асимович – Юстиция министри;
- Имангазиев Алмаз Кулубекович – Эмгек, социалдык камсыздоо жана миграция министри;
- Арабаев Чолпонкул Исаевич – И. Арабаев атындагы Кыргыз мамлекеттик университетинин юридикалык институтунун юриспруденция кафедрасынын башчысы, академик, юридика илимдеринин доктору, профессор;
- Кайыпов Сулайман Турдуевич – Улуттук илимдер академиясынын академик А.А. Алтмышбаев атындагы Философия институтунун cоциалдык философия бөлүмүнүн башчысы, тарых илимдеринин доктору, профессор.
Жарлыкка ылайык, уюштуруу комитетинен үч катышуучу чыгарылып, төрт жаңы мүчө киргизилди.
Кезектеги V Элдик Курултай Бишкекте 18-декабрда өтөт.
