Пенсия төлөөгө жумшалган каражаттын көлөмү 2021-жылдагы 52 млрд сомдон 2026-жылы 122 млрд сомго жетти. 2027-жылы бул көрсөткүч 140 млрд сомдон ашары күтүлүүдө.
Бул тууралуу Социалдык фонддун төрагасы Бактияр Алиев билдирди.
Анын маалыматына ылайык, быйыл 1-октябрдан тартып пенсиянын камсыздандыруу бөлүгү 20 пайызга жогорулатылды. Кийинки жылы пенсияны көбөйтүүгө 18 млрд сомго жакын каражат талап кылынат.
Айта кетсек,1-ноябрга карата өлкөдө 826 миң пенсионер катталган.
Ал эми орточо пенсия 2021-жылы 6 миң сом болсо, 2026-жылы бул көрсөткүч 12 888 сомго чейин өскөн.
