Ысык-Ата районундагы “Асыл тери” заводу үчүн саркынды сууларды тазалоочу курулма курулууда.
Суу ресурстары, айыл чарба жана кайра иштетүү өнөр жайы министрлигинин маалыматына ылайык, курулма Нурмамбет айыл аймагындагы Чүй агроөнөржай аймагында жайгашкан.
Курулма өндүрүштүк жана тиричилик саркынды сууларын курамындагы күкүрт жана хромдон бир нече баскыч менен тазалоого мүмкүндүк берет. Долбоор саркынды сууларды тазалоонун сапатын жакшыртып, айлана-чөйрөгө келтирилген зыянды азайтууга багытталган.
Объектти 2027-жылы пайдаланууга берүү пландалууда.



