Баткен шаарындагы бир катар мектептердин жылытуу системаларынын даярдыгы жана санитардык абалы текшерилди.
Президенттин облустагы өкүлчүлүгүнүн маалыматына ылайык, текшерүүнү өкүлдүн орун басары Максатай Каримбердиева жүргүздү. Анда мектептердин отканаларынын абалы, жылытуу системаларынын иштеши жана окуучулардын сабакка катышуусу каралды.
Мындан тышкары, санитардык-эпидемиологиялык көзөмөлдөө башкармалыгынын башкы дарыгери Асель Кошбаева окуу класстарын, ашканаларды жана санитардык жайларды текшерди.



