Социалдык тармактарда жана жалпыга маалымдоо каражаттарындагы, чек ара жаңыжалы учурунда күйүп кеткен май куюуучу жайлардын бири Камчыбек Ташиевге таандык болгон деп жайылтылган маалымат чындыка дал келбейт. Бул тууралуу УКМКнын басма сөз кызматы билдирди.
Комментарийде материалдарда көрсөтүлгөн «Томас жана Ко» компаниясы К.Ташиевге 2016-жылга чейин гана таандык болгону айтылат.
«Бул билдирүүлөр чагымчыл адамдар тарабынан атайылап жайылтылып, атайын кызматтын жана УКМК жетекчилигинин ишмердүүлүгүн жаманатты кылуу максатында, Кыргыз Республикасынын жарандарына туура эмес маалымат таратып жатышат. УКМК билип туруп жалган маалымат таратуу Кыргыз Республикасынын мыйзамдарына ылайык кылмыш жоопкерчилиги каралгандыгын эскертет», — деп берилет маалыматта.
