Бүгүн, 22-июнь Бишкек шаарына Өзбекстандан келген 50 автобус каттамга чыкты. Алар толугу менен бир жума шаар ичинде акысыз каттайт. Бул тууралуу Бишкек мэриясынын маалымат кызматы билдирди.
ISUZU үлгүсүндөгү жаңы автобустардын узунду 6,9 метр, 38 адамга ыңгайлашкан, 16 олтургучу, 2 эшиги бар. Мэриянын транспорт башкармалыгы аларга жаңы маршруттук каттамдын схемасын иштеп чыккан.
- №10 жана №11 муршруттар — Ак-Ордо (айлампа);
- №12 маршрут, Маевка айылы — Көк-Жар айылы (айлампа);
- №13 маршрут, Муромская көчөсү — Кырман жаңы конушу;
- №14 маршрут, №12 кичи район — Ак-Ордо жаңы кошуну.
Тейлөөчү «Эко Пассажирские перевозки» компаниясы жаңы автобустар бир жума акысыз каттарын айтып, бул шаар тургундарына белек дешет.
Бул автобустар өлкөдөгү пандемиялык абалга байланыштуу шашылыш каттамга чыккандыктан, азырынча дизель менен иштеп турат. Автобустардын экинчи партиясы 1-0июнда келген соң, баардыгы газ менен иштөөгө өтөт. жалпы 350 автобус келүүсү убадаланган.
