Буга чейин социалдык тармактарда Москванын көчөлөрүндө күн кечирип жүргөн Максат аттуу кыргыз жаранынын видеосу тараган. Буга ылайык Россиядагы мекендештер акча чогултушуп Кыргызстанга кайтып келүүсүнө жардам беришти.
Ал эми Максаттын досу Залкарбек Кыргызбайдын айтымында, анын айлык маянасы, жашаган жери да жакшы болчу. Максат иштеп жаткан курулуш жумушунда кырсык болуп, опалубка оорчулукту көтөрө албай кулап кеткен, жыйынтыгында Максат бутунан жаракат алып, жумушка чыга албай калган. Андан соң ал акчасы жок калгандыктан көчөгө чыгууга аргасыз болгон.
