Бишкек шаарынын мэринин милдетин аткаруучу Таалайбек Сарыбашов бүгүн, 12-августта өз ыктыяры менен иштен кеткендигин жарыялады. Ал кызмат ордун расмий тапшырып берген соң, мындан аары Жогорку Кеңешке депутаттыкка даярданаарын билдирди.
«Бул менин жеке чечимим болду, Урматтуу Президентибиз менен макулдашып… Мына Бишкек шаары менен да тааныштык, кудай буюрса Жогорку Кеңешке барып депутат болуп, жалпы мамлекет үчүн кызмат кылсак дейм. 26-августта мэрди шайлоо болот, андан кийин чечим кабыл алууга кеч болуп калмак«-дейт Сарыбашов.
