Экономика жана финансы минстрлиги «КРнын салык кодекси боюнча» жаңы ченемдук акттыны коомдук талкуга койду. Ага ылайык, электрондук соода жүргүзгөн интернет компания, дүкөндөр салык төлөөгө милдеттендирилет.
«Чет өлкөлүк компанияларга (Google жана башкалар) электрондук соодага салык салууну жана КНСти киргизүүнү сунушталды. Азыркы учурда Кыргыз Республикасынын колдонуудагы мыйзамдарында салыктын бул түрү жалпысынан каралбагандыктан, электрондук соода чөйрөсүндөгү иштерге салык салууну башкаруу мүмкүн эмес болууда» -деп жазылат маалыматта.
Кодекс «Электрондук соода чөйрөсүндөгү ишмердүүлүккө салык» деген жаңы бөлүм менен толукталган.
Анда Салык кодексинин 362 -беренесинин нормаларына негизделген электрондук соода тармагындагы иштерге салык ставкасын 2%менен белгилөө сунушталган.
Ошондой эле, Google жана башкалар сыяктуу чет элдик компаниялардын кызматтарына КНС киргизилүүдө.
