Жалал-Абадда “Ford Focus” үлгүсүндөгү жеңил унаа толугу менен күйүп кетти. Бул тууралуу ӨКМнин басма сөз кызматы билдирди. Маалыматка ылайык, Сузак районунун, Кызыл-Туу айыл аймагынын Ак-Баш айылынын тушундагы жолдо “Ford Focus” үлгүсүндөгү жеңил унаа толук күйүп кеткен.
«Өрттү өчүрүүгө ӨКМ Сузак райондук бөлүмүнүн №65 ӨКБнөн 1 бөлүм тартылды. Өрт саат 12:00 курчоого алынып, саат 12:17 толук өчүрүлдү. Өрт унаанын электр зымдарынын кыска чыналуусунан келип чыккан. Жаракат алгандар жок», — деп берилет маалыматта.
