Унаа уурдоого шектүүлөр кармалды. Бул тууралуу милициянын кайгуул кызматы кабарлады.
Маалыматка ылайык, кечээ, 26-ноябрда 1996-жылы туулган Д.М. аттуу жаран арыз менен кайрылган. Ошол эле күнү болжол менен саат 19:30 чамасында Турусбеков көчөсүндө жайгашкан үйүнүн короосунда токтоп турган «Toyota Voxy» үлгүсүндөгү унаасын белгисиз жарандар уурдап, белгисиз тарапка айдап кетишкен.
Ыкчам иш-чараларынын жыйынтыгында, шектүү катары 1990-жылы туулган Т.У., 1977-жылы туулган А.У. аттуу жарандар кармалган.
Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынды.
Учурда шектүүлөр Ленин РИИБинин тергөө кызматына жеткирилген.
