Бүгүн 1-мартта, Украинанын Харьков шаарындагы борбордук аянтта жардыруу болду. Бул тууралуу Украинанын ички иштер министринин кеңешчиси Антон Геращенконун билдирүүсүнө таянып жергиликтүү жалпыга маалымдоо каражаттары жазып чыкты.
Андагы маалыматка ылайык, жардыруудан 1 адам каза болуп, 3 адам жараат алган. Бул аянтта Харьков облусунун мамлекеттик администрациясынын имараты жайгашкан.
Эске салсак, Орусия менен Украинанын ортосундагы жаңжал 24-февралдын таңында тутанган. Тагыраагы, Орусиянын лидери Владимир Путин Донбасста аскердик атайын операция өткөрүү чечимин кабыл алгандыгын жарыя кылган. Украинанын президенти Владимир Зеленский бул аракетти өлкөгө ачылган согуш деп сыпаттады. Ал эми Путин буга чейинки сүйлөшүүлөр жыйынтык бербегендигин, Россиянын НАТОну кеңейтпөө боюнча сүйлөшүү аракетинен майнап чыкпагандыгын жана бул аргасыздан жасалган чара экендигин билдирген.
Посмотреть эту публикацию в Instagram
