4-6-мартта Казакстанда практикалык атуу ассоциациясы IV-Республикалык Эл аралык «Almaty Open 2022» тапанчадан атуу боюнча мелдеште УКМКнын кызматкерлери байгелүү орундарга ээ болушту. Бул тууралуу УКМКнын басма сөз кызматы билдирди.
Маалыматка ылайык, мелдешке Казакстан, Орусия, Германия жана Кыргызстандын спортчулары катышты. Спортчулар мыкты аткычты аныктап, көнүгүүнүн 13 түрү боюнча күч сынашышты. Мелдештин форматы ок атуучулардын жекече чеберчилигине жана калыстардын объективдүүлүгүнө таянып, куралдын ар кандай түрлөрү боюнча жеке жана командалык мелдеште жеңүүчүлөрдү аныкталды.
Турнирдин жыйынтыгында УКМКнын атайын күчтөрдүн жоокерлери экинчи жана үчүнчү байгелүү орундарды алышты.
